సృష్టించడం, పోషించడం మరియు మార్పును తీసుకురావడం వంటి ఎన్నో సద్గుణాలు గల స్త్రీని ప్రపంచవ్యాప్తంగా ఉన్న నాగరికతలు, సమాజాలు, కుటుంబాలు మగవారితో సమానంగా వీరిని చూడలేకపోవడం దురదృష్టకరం. పక్షపాత ధోరణి, దురభిమానము మరియు అహంకారపూరితమైన దృష్టి వల్ల లింగ బేధం చూపడం మరియు మహిళల పట్ల హింసాత్మక ప్రవర్తన సమాజంలో గమనించవచ్చు, దీని వల్ల మహిళలు తమ పూర్తి సామర్ధ్యంతో పని చేయలేకపోతున్నారు అనేది వాస్తవం. స్త్రీలు ఉన్నది కేవలం మగవారి అవసరాలు తీర్చడానికే అనే విధంగా ఆలోచనలు పెరుగుతున్నాయి. సినిమాలలో హీరోలు చేసే వెకిలి చేష్టలు, అమ్మాయిలను ఏడిపించే విధానం, మగవాడే ఎక్కువ అని చూపడం సమాజంలో ఒకరకమైన అసమానత్వాన్ని ఏర్పరిచింది.

ఇవే చేష్టలు కాస్త తీవ్ర రూపం దాల్చి గృహ హింస, లైంగిక వేధింపులు, ఈవ్ టీసింగ్ వంటివి పెరిగిపోయాయి. బహిరంగ ప్రదేశాలలో అమ్మాయిల పట్ల దురుసుగా ప్రవర్తించుట, చెడు మాటలాడుట వంటివి ఈవ్ టీసింగ్ లో భాగం అయిపోయాయి. Indian sub-continent to denote unwanted sexual remarks or advances to women in public places.

వక్రబుద్ధితో చూడడం, కూతలు కూయడం, లైంగిక పరమైన మాటలు మాట్లడడం, స్టాకింగ్, ఇబ్బందికర పాటలు పాడడం మరియు ఫ్లాషింగ్, తడమడం & అత్యాచారం వంటి అసభ్యకరమైన వీడియోలు చూపుట వంటివి "సెక్సువల్ అగ్రెషన్" కింద వస్తాయి. ఈ నేరాలకు పాల్పడేవారు బహిరంగ ప్రదేశాల్లో, కళాశాలలు మరియు కార్యాలయాల సమీపంలో మరియు ఇళ్ల వెలుపల మహిళలను వేధించడానికి తెలివిగల మార్గాలను ఎన్నుకుంటారు. తెలంగాణ రాష్ట్రంలో ఇలాంటి పీడ లేకుండా మహిళలకు భద్రతాభావాన్ని కలగజేయడానికి మరియు సురక్షిత వాతావరణాన్ని సృష్టించడానికి ముందుకు తీసుకువచ్చిందే SHE టీమ్స్.