The court can issue Warrants and also declare your husband a Proclaimed offender.
వారెంట్ జారీ చేయుట
క్రిమినల్ ప్రొసీజర్ కోడ్‌లోని సెక్షన్‌లు 70-79 క్రిమినల్ కోర్టు వారెంట్‌ల జారీకి సంబంధించినవి. నిందితులు సమన్‌లకు కట్టుబడి ఉండరని కోర్టు భావిస్తే వారికి సమన్‌లకు బదులుగా కోర్టు ద్వారా వారెంట్ కూడా జారీ చేయబడుతుంది.
పరారీలో ఉన్నట్లు ప్రకటించుట
భారతదేశం బయట నివసించే నిందితుడు/భర్తపై వారెంట్ అమలు చేయని పక్షంలో, Cr.PC సెక్షన్ 82 ప్రకారం ప్రచురించిన తేదీ నుండి ముప్పై రోజుల కంటే తక్కువ కాకుండా ఒక నిర్దిష్ట స్థలంలో మరియు నిర్దిష్ట సమయంలో హాజరు కావాలని వ్రాతపూర్వక ప్రకటనను ప్రచురించడానికి కోర్టుకు అధికారం ఉంటుంది. క్రిమినల్ కోర్ట్ ఆదేశాల మేరకు కేసుకు సంబంధించి అవసరం అనుకుంటే నిందితుని చరాస్తి, స్థిరాస్తి వివరాలను కూడా జత చేయవలసి రావొచ్చు.

శ్రీమతి నీరజ సరప్ Vs శ్రీ జయంత్ సరప్ కేసు విషయంలో, భారతదేశ అత్యున్నత న్యాయస్థానం మహిళల ప్రయోజనాలను పరిరక్షించే చట్టాన్ని పరిగణనలోకి తీసుకోవాలని సూచించింది. గౌరవ సుప్రీమ్ కోర్టు మూడు నిర్దిష్ట నిబంధనలను సూచించింది: 
భారతదేశంలో జరిగిన NRI మరియు భారతీయ మహిళ మధ్య వివాహాన్ని విదేశీ కోర్టు రద్దు చేయడానికి వీలు లేదు.
భారతదేశం మరియు విదేశాలలో భర్త ఆస్తిలో భార్యకు తగిన భరణం ఇవ్వాలి.
సివిల్ ప్రొసీజర్ కోడ్ యొక్క సెక్షన్ 44A లాంటి రెసిప్రొకల్ ఒప్పందాలు మరియు కామిటి ప్రిన్సిపల్ ప్రకారం భారతదేశ న్యాయస్థానాలు విడుదల చేసిన డిక్రీనే విదేశీ న్యాయస్థానాలలో కూడా అమలు పరచవచ్చు. ఇది న్యాయస్థానం ఆమోదించిన డిక్రీ అయినందున విదేశాలలో కూడా ఈ డిక్రీని అమలు చేయగలదు.

సెక్షన్ 91 Cr.P.C ద్వారా నోటీసు అందించడం ద్వారా బాధితులను సరైన డాక్యుమెంటరీ ఆధారాలు చూపమని ఆడగవచ్చు. వివాహ నమోదు పత్రం, శుభలేఖలు, పెళ్లి ఫోటోలు, ఆస్తి బదిలీ చేయబడితే విక్రయ పత్రాలు, పాసుపోర్టు & వీసా యొక్క స్థితి, ప్రయాణ పత్రాలు, యజమాని యొక్క వివరాలు మరియు విదేశాలలో మరియు భారతదేశంలోని నిందితుని చిరునామాలు వంటివి చూపాల్సి రావొచ్చు. ఈ ఆధారాల ద్వారా విచారణ సజావుగా మరియు వేగవంతంగా పూర్తవుతుంది.

నిందితుని యొక్క పాస్‌పోర్ట్/వీసా పునరుద్ధరణ సమీప భవిష్యత్తులో ఉంటే, ఆ పాస్‌పోర్ట్/వీసా పునరుద్ధరణను నిలిపివేయమనే అభ్యర్థనతో RPO, సికింద్రాబాద్ కు లేఖ పంపవచ్చు.
నిందితుడి పాస్‌పోర్ట్ ను రద్దు చేయడానికి చర్యలు తీసుకోవాలని అభ్యర్థనతో కేసు వాస్తవాలను వివరిస్తూ NRI సెల్, నేషనల్ కమిషన్ ఫర్ ఉమెన్, న్యూ ఢిల్లీకి లేఖ పంపవచ్చు. వీరు పిటిషన్ ను పరిశీలించి అవసరమైన చర్యలు తీసుకుంటారు.
నిందితడు భారతదేశానికి రావడం-వెళ్లడం గురించి తెలుసుకోవడానికి FRRO, శంషాబాద్‌కు లేఖ పంపవచ్చు.

• విచారణ అధికారి/బాధితురాలు FIR కాపీని మరియు NBW కాపీని జతచేసి పాస్‌పోర్ట్ ను స్వాధీనం చేసుకోవాలనే/నిలిపివేయాలనే అభ్యర్థనతో పాస్‌పోర్ట్ అధికారికి లేఖ పంపవచ్చు. 
• విచారణ అధికారి/బాధితురాలు పాస్‌పోర్ట్ ను రద్దు చేయాలనే అభ్యర్థనతో NRI డివిజన్, నేషనల్ కమిషన్ ఫర్ ఉమెన్‌ కి లేఖ పంపవచ్చు.
• పైన పేర్కొన్న ముఖ్యమైన కార్యాలయాల ఈ-మెయిల్ అడ్రస్లు: నేషనల్ కమిషన్ ఫర్ ఉమెన్, న్యూ ఢిల్లీ - ncw@nic.in & dsnri@mea.gov.in రీజినల్ పాస్-పోర్ట్ ఆఫీసర్, సికింద్రాబాద్ - rpo.hyderabad@mea.gov.in

గృహహింస జరిగిందని లేదా జరుగుతోందని లేదా పాల్పడే అవకాశం ఉందని ఏ వ్యక్తి అయినా నమ్మితే వారు రాష్ట్ర ప్రభుత్వంచే నియమించబడిన రక్షణ అధికారికి సమాచారాన్ని అందించవచ్చు. జిల్లా రక్షణ అధికారి సంఘటన యొక్క నివేదికను తయారు చేస్తారు. ఒకవేళ బాధితురాలు కోరుకుంటే, ఆమె ఉపశమనం కోసం ఈ నివేదికలోనే రక్షణ ఉత్తర్వును కూడా జతపరుస్తూ మేజిస్ట్రేట్‌కు పంపడం జరుగుతుంది. బాధితురాలు లేదా రక్షణ అధికారి లేదా బాధితురాలి తరపు వారు ఎవరైనా ఉపశమనం పొందేందుకు గృహ హింస చట్టం U/s 12 కింద దరఖాస్తు ఇవ్వవచ్చు. జిల్లా రక్షణ అధికారికి బాధితురాలు ఇచ్చిన దరఖాస్తు మరియు రక్షణ అధికారి తయారు చేసిన నివేదిక కూడా మేజిస్ట్రేట్ కు ఇవ్వడం జరుగుతుంది.

నివాస దేశంలో బ్యాంకు ఖాతాను తెరవడానికి ప్రయత్నించండి, తద్వారా మీరు అత్యవసర పరిస్థితుల్లో డబ్బును తీసుకోవచ్చు మరియు ఆర్థిక స్వతంత్రం కూడా ఉంటుంది. విదేశీ దేశంలోని చట్టాలను మరియు అక్కడ మీ హక్కులను చదివి అర్థం చేసుకోండి. ప్రత్యేకించి భాగస్వామి పట్టించుకోనప్పుడు, దుర్భాషలాడుతున్నప్పుడు, గృహ హింసకు పాల్పడుతున్నప్పుడు చట్టాన్ని ఎలా ఉపయోగించుకోవాలో తెలుసుకోవడం మంచిది. ముఖ్యంగా విదేశాలలో శాశ్వత నివాసం ఎలా ఏర్పరుచుకోవాలో తెలుసుకోవడం అవసరం. పెళ్లి అయిన తర్వాత కూడా విదేశాలలో ఉన్న స్నేహితులు, బంధువులతో ఫోన్ & ఈ-మెయిల్ ద్వారా మాట్లాడుతూ ఉండండి. పెళ్లి అయిన తర్వాత ఏ దేశానికి అయితే వెళ్తున్నారో ఆ దేశంలో మాట్లాడే భాషను నేర్చుకోవడానికి ప్రయత్నించండి.

శ్రీమతి నీరజ సరప్ Vs శ్రీ జయంత్ సరప్ కేసు విషయంలో (1994), భారతదేశ అత్యున్నత న్యాయస్థానం మహిళల ప్రయోజనాలను పరిరక్షించే చట్టాన్ని పరిగణనలోకి తీసుకోవాలని సూచించింది. గౌరవ సుప్రీమ్ కోర్టు మూడు నిర్దిష్ట నిబంధనలను సూచించింది:
భారతదేశంలో జరిగిన NRI మరియు భారతీయ మహిళ మధ్య వివాహాన్ని విదేశీ కోర్టు రద్దు చేయడానికి వీలు లేదు.
భారతదేశం మరియు విదేశాలలో భర్త ఆస్తిలో భార్యకు తగిన భరణం ఇవ్వాలి.
సివిల్ ప్రొసీజర్ కోడ్ యొక్క సెక్షన్ 44A లాంటి రెసిప్రొకల్ ఒప్పందాలు మరియు కామిటి ప్రిన్సిపల్ ప్రకారం భారతదేశ న్యాయస్థానాలు విడుదల చేసిన డిక్రీనే విదేశీ న్యాయస్థానాలలో కూడా అమలు పరచవచ్చు. ఇది న్యాయస్థానం ఆమోదించిన డిక్రీ అయినందున విదేశాలలో కూడా ఈ డిక్రీని అమలు చేయగలదు.

ముందుగా మీరు భారతదేశంలో మరియు విదేశాలలో ఉన్న మీ కుటుంబసభ్యులు, బంధువులు మరియు స్నేహితులను సంప్రదించండి. వారి ద్వారా సహాయం మరియు సలహాలు పొందే ప్రయత్నం చేయండి. ఇండియన్ మిషన్ వారిచే ఎంప్యానెల్ చేయబడిన NGOలు, స్థానిక కమ్యూనిటీ సంక్షేమ సంఘాల ద్వారా కేసులు పెట్టడం, కుటుంబంతో మాట్లాడడం లేదా చట్టపరమైన సలహాలు పొందడం వంటివి చేయొచ్చు. భారత హై కమిషన్/విదేశాలలో ఉండే కాన్సులేట్ జనరల్ ఆఫ్ ఇండియా ద్వారా ఎంప్యానెల్ చేయబడిన NGOల జాబితా ఈ లింక్ ద్వారా పొందవచ్చు - http://moia.gov.in/writereaddata/pdf/list_indian_women.pdfసహాయం కొరకు వారిని ఏ సమయంలోనైనా సంప్రదించవచ్చు.

IPC లేదా ఇతర శిక్షా చట్టాల ప్రకారం గుర్తించదగిన నేరాలలో దర్యాప్తు ఏజెన్సీ ద్వారా జారీ చేయవలసిన లుక్-అవుట్-సర్క్యులర్ (LOC)ను ఆశ్రయించవచ్చు. విదేశాలలో భర్త ఉద్దేశపూర్వకంగా ఖైదు అవ్వకుండా తప్పించుకుంటున్నప్పుడు లేదా నాన్-బెయిలబుల్ వారెంట్ (NBWs) ఉన్నా కూడా ట్రయిల్ కోర్టు ఎదుట హాజరు కానప్పుడు లేదా ట్రయిల్/ఖైదు నుండి తప్పించుకోడానికి దేశం వదిలి పారిపోతాడు అని అనిపించినప్పుడు లుక్-అవుట్-సర్క్యులర్ తెచ్చుకోవడం ఉపయోగకరం.